Posts Tagged reglur
Facebook reglurnar
Posted by thorarinnh in Almennt on January 25, 2012
Ég rakst á áhugavert tvít yfir handboltaleiknum í gær, nægjanlega áhugavert til þess að ég ákvað að fylgja því aðeins eftir meðan á leiknum stóð. Hér að neðan er samtalið sem myndaðist út frá þessu tvíti.
Eins og þið sjáið er verið að ræða um Facebook reglurnar og meðal annars kemur fram mismunandi túkunaratriði á reglunum. Þið getið glöggvað ykkur á reglunum hérna. Í fyrstu grein er talað um að allt “promotion” verði að vera í gegnum Apps á Facebook. Sé reyndar ekkert túlkunaratriði þar, reglurnar eru frekar skýrar hvað þetta varðar. Í þessu tilfelli var verið að nota kosningarkerfi Facebook sem form af “promotion” og kemur í raun hvergi fram í reglum Facebook að það sé bannað, þeir ræða um að “like” hnappur sé ekki notaður sem kosningartól en annars ræða þeir ekki sérstaklega kosningar þarna inni. Hinsvegar nefna þeir í reglu nr.4:
You must not condition registration or entry upon the user taking any action using any Facebook features or functionality other than liking a Page, checking in to a Place, or connecting to your app. For example, you must not condition registration or entry upon the user liking a Wall post, or commenting or uploading a photo on a Wall.
Þarna er hægt að túlka hvort sé verið að ræða kosningarnar eða ekki.
Hinsvegar er það ekki beint það sem ég vildi koma á framfæri, þótt að titill færslunar gefi annað til greina.
Er Facebook með þessum reglum að kæfa allt sem getur heitið “spontant”. Það er vitnað í tvítunum til leikja sem hafa komið upp þar sem fyrirtæki eru að biðja fólk að “tippa” á úrslit leikja Íslands á EM og veita verðlaun til þeirra sem giska rétt. Ef við ættum að fara eftir hinum ströngustu reglum þá þyrfti þarna að kóða upp app sem tekur einhvern tíma og peninga í stað þess að grípa tækifærið og vera spontant. Viðurkenni að þessir leikir eru ekki jafn leiðinlegir og hinn frægi kápuleikur, maður sér að vinir sínir kommentuðu við mynd en ég hef séð hvergi verið hvatt til þess að deila myndinni til þess að auka vinningslíkur eða neitt svoleiðis. Þarna er “promotion” í gangi sem er miðað að núverandi “fans”.
Það sem hefur verið eitt af því frábæra við samfélagsmiðla eins og Facebook er að þú getur verið öðruvísi, getur nálgast fólkið á annan hátt. Með þessu þá er mín skoðun sú að Facebook er orðið líkt og aðrir miðlar, þú þarft of mikla fyrirhöfn ef þú ætlar að fara eftir reglunum og það hreinlega kæfir allt sem heitir frumlegt. Við endum á því að allar fyrirtækja síður verða eins, allar með “többum” með einhverju promotion í gangi. Verða í raun eins og risastór jólagjöf sem þú heldur að sé flatskjár en þegar þú rífur umbúðirnar af þá leynist þar bara sokkapar.
Ekki misskilja mig, ég er hlynntur reglum en í þessu tilfelli finnst mér reglurnar kæfa allan frumleika og það er frumleikinn sem getur aðgreint þig frá öllum hinum fyrirtækjunum á Facebook.
Ekki vera einn af hjörðinni, gerðu eitthvað öðruvísi.
Fyrirtæki með notendaprófíla á Facebook
Gefum okkur að þú gangir inn á veitingastað þar sem þessir ágætu menn tekur á móti þér. Þú færð matseðil og skoðar hann vandlega. Loks kemur þjóninn til að taka við pöntun þinni, en til þess að hún geti orðið þarftu að gefa þeim aðgengi að mikið af persónulegum upplýsingum, t.d. myndum af þér og börnunum þínum. Værirðu enn jafn áhugasöm/-samur um að versla á þessum veitingastað? Myndirðu kannski óska eftir frekari upplýsingum frá viðkomandi, t.d. hvort annar hvor þeirra væri dæmdur fyrir skjalafals, vera eltihrellir, barnaníð, nauðgun eða álíka öfgakennda glæpi?
Þó svo þessi litla dæmisaga sé vissulega öfgafull, þá er staðreyndin hins vegar sú að við högum okkur oft með þessum hætti á Facebook. Málið er nefnilega, að við sem notendur höfum ólíkan aðgang að upplýsingum en fyrirtæki og vörumerki hafa. Notendaprófílar gera notendum kleift að skoða myndir, persónuupplýsingar vina sinna og fylgjast vandlega með því sem þeir eru að gera. Í gegnum aðdáendasíður hafa fyrirtæki og vörumerki ekki þann aðgang. Þau geta aðeins skoðað aðrar síður og fá ekki frekari upplýsingar um aðdáendur sína en þær sem er að finna í vefgreiningartækjum Facebook, en þar er hvergi hægt að miða niður á einstaka aðdáendur.
Þegar við samþykkjum vinarbeiðni frá fyrirtæki sem er með notendaprófíl erum við í raun að samþykkja að viðkomandi fái aðgengi að öllum persónuupplýsingum sem finna má um okkur á þessum samskiptamiðli, hvort sem það eru myndir, netföng, símanúmer eða hvaða aðrar upplýsinga fyrirtækin kunna að girnast. Þetta gerum við jafnvel án þess að leiða svo mikið sem hugann að því að baki gætu legið annarlegar hvatir. Nú vil ég ekki ala á ótta eða slíkt, en það er hins vegar staðreynd að Facebook hefur verið notað með þeim hætti að safna upplýsingum með þeirri aðferð sem hér kemur fram.
Reglur Facebook eru skýrar hvað þetta varðar. Fyrirtækjum og vörumerkjum er ekki leyfilegt að notast við notendaprófíla. Af þessum sökum höfum við ákveðið að setja upp nokkurs konar svartan lista yfir fyrirtæki sem fara þessa leið. Eflaust hafa þau vel flest góða ástæðu fyrir því að vera með notendaprófíl, en það breytir því ekki, að það er bannað. Skiljanlega getur verið erfitt að horfa á eftir 3000-4000 vinum, sem safnast hafa á einhverjum árum, en á móti kemur þá er lítið mál að taka aðlögunartíma og reyna eftir fremsta megni að breyta vinum í aðdáendur. Fyrir því að ekki sé ráðist í slíkt er engin afsökun. Auk þess geta notendur ekki átt fleiri en 5000 vini, sem gæti þá staðið fyrirtæki eða vörumerki fyrir þrifum.
Okkur langar að biðja ykkur öll um að hjálpa okkur að halda listanum uppfærðum. Þið getið sjálf sett fyrirtæki og vörumerki á listann og látið okkur vita um leið og viðkomandi fyrirtæki hefur gert bragarbót á þessu.
Styrktaraðilar
Google+
Nýleg ummæli