Kostnaður við að ná í nýjan viðskiptavin (e. Customer Acquisition Cost eða CAC) er reiknað meðaltal á öllum þeim kostnaði sem fellur til (t.d. auglýsingar, laun sölufólks) við að breyta einum áhugasömum aðila í kaupanda.
Af hverju er þetta mikilvægt?
Þessi mælikvarði er gríðarlega mikilvægur fyrir reksturinn. Hann svarar spurningunni: „Hvað kostar að kaupa einn viðskiptavin?“ Ef það kostar þig 10.000 kr. að ná í nýjan viðskiptavin (CAC) en framlegðin af fyrstu kaupunum er aðeins 5.000 kr., nærðu kostnaðinum ekki til baka nema viðskiptavinurinn kaupi aftur. Markmiðið er að hafa CAC lægri en virði viðskiptavinarins yfir líftíma (LTV), reiknað á framlegð.
Hagnýtt dæmi
Ef fyrirtæki ver 100.000 kr. í Google auglýsingar á einum mánuði og fær 10 nýja viðskiptavini í gegnum þær, þá er CAC fyrir þá herferð 10.000 kr. á hvern viðskiptavin.